Poetry

Rasoolallah (S.A) Ny Farmaya:- Gunaahon Sy Toaba Krna Aisa Hai Jesy  Us  Ny Gunaah Kiya Hi Na Ho. Hadees e Nabvi:- Aap (S.A) Ko Jab Koi Mushkil Darpaish Hoti  To Aap (S.A) Foran Nimaz Ki Taraf Mutawajjah Ho Jaty. Rasoolallah (S.A) Ny Farmaya: "Tumhary dinon main sab sy ziyada fazeelat wala din  JUMMY ka hai, pas tum us din mujh par  kasrat sy darood bheja kro, is liye keh  tumhara darood  mujh par paish kiya jata hai". Rasoolallah (S.A) Ny Farmaya: "Jo shakhs musalsal 3 JUMMAA ki Nimaz susti  k sabab  chory ga ALLAH TA'ALAA  us k dil par mohar laga dy ga". Rasool Akram (S.A) Ny Farmaya: Jo Shakhs Jumaa K Din Mujh Par 200 Martaba  Darood Parhy Ga Us K 200 Saal K Gunaah  Muaaf Kr Diye Jayen Gy. Rasoolallah (S.A) Ny Farmaya: Musalmano! ALLAH ny JUMMAA k din ko  tumhary  liye EID ka din banaya hai. Jo shakhs  NIMAZ E JUMMAA k liye aaye to u...

Ya rab teri shan jale ejalal hai Meri maang rizq e halal hai Meri aajizi ko kar qabool Meri zindagi ka sawal hai...!!! Wahi rakhy ga mery ghar ko balaoun sy mahfooz Jo shajar sy ghonsla girny nahi deta...!!! Log tangdasti sy jitna darty hain Agar dono sy darein to dono sy bach jaien Maal sy jitni muhabbat karty hain Agar jannat sy karein to dono paa lein...!!! Dhondta raha sukon ko har jaga umer e rawaan ky saath Ya Rab kahein or na mila sukoon tery sajdy ky siwa...!!!   Jab main kahta hon ya Allah mera haal dekh Hukam hota hai ky apny naama amal dekh...!!! Kis qadar pur kaif ha teri zaat sy ishq ay Allah Na bewafai ka khadsha, na judai ka koi khof...!!! Mit jaye gunahon ka tasawur hi jahan sy IQBAL Agar ho jaye yaqeen ky khuda dekh raha hai...!!! Nahi main mohtaj duniya ka ik tery siwa ya rab Mery sajdy qabool kar ly meri saanein totny sy pahly...!!! Yo...

Sajda-e-Sahw  ka Bayan #1: Abu Huraira r.a sy Riwayat ha Rasool Allah s.a.w ny farmaya: "Jab tum mein koi  nimaz parhta ha to shaitan us ki nimaz mein shuba dalta ha aur usko yaad nahi rahta ky kitni rikatein parhein jab tum  mein sy kisi ko aisa ittifaq ho to bethy bethy do sajdy kary...!!!" Sajda-e-Sahw  ka Bayan #2: Teen ya Char Rikat ky Shak mein Sajda: Abu Saeed Khudri r.a bayan karty hain  ky Rasool Allah s.a.w ny farmaya: "Agar tum mein kisi ko rikat ki tadad ky bary mein shak par jaye teen parhi hain yaa  char? To shak ko chor dy aur yaqeen par aitamad kary. Phir salam phairny sy pahly do sajdy kary. Agar us ny panch rikat  nimaz parhi to yeh sajdy uski nimaz (ki rikat) ko juft kar dein gy aur agar us ny pori char rikat nimaz parhi to yeh  sajdy shaitan keliye zilaat ka sabab hongy...!!!"

There are Forty (40) Hadees-e-Mubarka about  Paradise in Islam ( Jannah ) in Images for Social Media post share. Allah ka Dar aur Acha Ikhlaq: Sayadna Abu Huraira r.a sy marwi ha wo bayan karty hain ky Rasool Allah  s.a.w sy aisy amal ky bary mein sawal kiya gaya jo sab sy ziyada logo ko jannat mein dakhil kary ga to Rasool Allah  s.a.w ny farmaya: "Allah ka dar aur acha ikhlaq...!!!" Khalos-e-dil sy Kalmy ki Shahat Dena: Sayadna Maaz r.a sy marwi ha wo bayan karty hain ky Rasool  Allah s.a.w ny farmaya: "Jis shakhs ny khalos-e-dil sy ye shahadat di ky Allah tala ky ilawa koi mabood barhaq nahi woh  jannt mein dakhil hoga...!!!"

Hazrat Abdullah Bin Umer r.a sy marvi ha keh  Rasool Allah s.a.w ny farmaya: "Allah Taala raham karny walon par raham karta hai tum zameen walon par raham karo aasman wala tum par raham kary ga raham rahman sy mashtak ha jo shakhs rishta jory ga Allah taala usey ( apni rahmat ky sath ) jory ga aur jo rishta tory ga Allah tala usey (apni rahmat sy) torr dy ga...!!!" Mahboob sy Mahroomi par Sabar Karny waly Insan ki Fazelat: Hadees-e-qudsi  hai Allah tala farmaty hain: "Mera woh momin banda ky jab main ahal-e-dunya mein sy uska koi  mahboob tareen saathi apny pas bula lon, phir who usy Allah ka hukam samajh kar hansi khushi  qabool kar ly to mery pas uska badla jannat ky siwa kuch nahi hai...!!!

Waldain ka na farman Jahanumi hai: Umer Bin Marah r.a bayan karty hain keh aik aadmi Nabi Kareem s.a.w ki taraf aaya us sy kaha ay Allah ky Rasool  s.a.w!  main gawahi deta hun ky Allah ky siwa koi mabood barhaq nahi aur aap Allah ky Rasool hain aur main panch nimazein parhta hun apny maal ki zakat deta hun aur ramzan ky rozy rakhta hun Aap s.a.w ny farmaya: "Jo is par (yani mazkora aamal par) mar jaye woh qayamt ky din anbia siddeqein (intahai sachy) aur shohada ky sath is tarha hoga aur Aap s.a.w ny do unglion ko khara kiya jab ky us ny waldain ki Nafarmani na ki hogi...!!!" Waldain ka Nafarman Jannat mein Dakhil nahi Hongy: Abdullah r.a farmaty hain ky Rasool Allah s.a.w ny farmaya: "Qayamat ky din teen aadimion ki taraf Allah Tala nahi dekhy ga:" 1: Waldain ka Nafarman. 2: Mardon ki Mushabihat karny wali Orat. 3: Deos.

Khany sy faragat ky baad ki dua : "Har kism ki tareef Allah hi keliye ha jis ny yeh khana mujhy khilaya aur mujhy yeh (khana) ata kiya bagair meri kisi taqat ky aur bagair meri kisi quwat ky...!!!" Wazahat: Allah ka nam lekar khana shuro karna aur farig ho kar Allah ka shukar ada karna naimat mein barkat ka baais hai...!!!

Dunya ki Zindagi: "Allah jis keliye chahata ha rizq kushada kar deta ha aur (jis keliye chahata ha) tang karta aur wo dunya ki zindagi par khush ho gaye hain halan ky dunya ki zindagi aakhrat ky mukabla mein thory sy saaman ky ilawa kuch nahi...!!!" Hadees mein aata ha ky dunya ki hasiat aakhrat ky muqably mein aisy ha jaisy koi aadmi apni ungli samander mein dal kar nikaly aur dekhy samandar ky pani ky muqably mein uski ungli mein kitna paani aaya hai...!!!

Masajid ki taraf jana : Hazrat Abu Huraira sy Riwayat ha keh Allah ky Rasool s.a.w ny farmaya: "Jis ny apny  ghar mein paaki hasil ki phir Allah ky gharon mein sy kisi ghar ki taraf Allah taal ky faraiz mein sy  kisi fareza ki adaigi ki khatir chala to us ka aik naqsh-e -kadam aik gunah ko mitata ha aur dosra aik  darja buland karta hai...!!!" Masajid ki taraf jana: Aur Jabir Bin Abdullah r.a sy riwayat ha woh bayan karty hain ky hamary makanat masjid sy door aik gosha mein they chunachy ham ny apny makanat farokhat kar ky masjid sy qareeb aabad hony ka irada kiya to Allah ky Rasool s.a.w ny ham ko us sy mana farmaya aur kaha: "keh tumhary har kadam ky badla darja hai...!!!"

Aap s.a.w ny farmaya: "Qayamat ky roz bandy sy jis cheiz ka sab sy pahly hisab liya jaye ga wo farz nimaz ha pas agar us ny nimazien pori parhi hongi, to woh pori likhi jaien gi, lekin agar pori na parhi hongi, to Allah Tala apny farishton sy farmaye ga: Dekho! kiya (nama aamal mein) mery bandy ky koi nafal bhi hain? (agar hain) to us sy un ky farzo ki kami pori kar do, phir usi tarha us ki zakat ko dekha jae ga phir us ky bad usi tarha dosry farz aamal ka hisab hoga...!!! Abu Zar r.a riwayat karty hai keh Rasool Allah s.a.w ny farmaya: "Tera kiya hal hoga? Jis waqat tujh par aisy  imam hakim hon gy jo nimaz mein dair karein gy ya us ky waqat sy qaza karein gy...!!!" Mainy kaha Aap mujhy is hal mein kiya hukam  farmaty Aap s.w.a ny farmaya: "Nimaz ko us ky waqat par parh phir agar tu is nimaz ki jamat ko un ky sath paa ly to un ky saath dobara  nimaz parh ly tahqeeq yeh nimaz tery liye nafal hogi...!!!"

Dunya-o-Aakhrat ki Jaamy Dua: Abu malik ashjayi apny baap sy riwayat karty hain ky aik aadmi Nabi s.a.w ky paas aaya aur kaha: "Ay ALLAH ky Raool s.a.w main apny RAB sy maango to kiya kahon to Aap s.a.w ny farmaya: Kaho ay ALLAH  mujhy bakhsh dy mujh par raham farma mujhy aafiat dy aur mujhy rizq ata farma aur dono hathon ki unglion ko ikhata kar ky apny hath utha dy to ALLAH taala un ungliyon mein dunya-o-aakhrat ki bhaliyon ko jama kar dy ga...!!!

Nabi s.a.w Par Darood ki Fazeelat: Aap s.a.w ny farmaya: "Jo shakhs subha-o-sham das das martaba mujh par yeh darood parhta hai roz-e-qayamat unhain meri shafa at hasil hogi...!!!" Aap s.a.w ny mazeed farmaya: "Roz-e-qayamt mery sab sy ziyada qareeb wo shakhs hoga jo mujh par kasrat sy darood parhta hai...!!!"

Azaan ky Baad yeh Dua Parhny ki Fazeelat: Rasool ALLAH s.a.w ny farmaya jo shakhs azaan sun kar yeh kalimat kahy: "Ay ALLAH is mukamal daawat aur qaim hony wali nimaz ky RAB Muhammad s.a.w ko waseela aur fazeelat ata farma aur unhain us Maqam-e-Mahmood par faiz farma jis ka tuny unsy wada kiya hai...!!!" Aisy shakhs keliye qayamat waly din meri safa at halal (wajib ho gai)...!!!

Subh ky waqat parhny wali Dua: Aap s.a.w ny farmaya: "Jis ny subha ky waqt yeh kalimat parhy: Main ALLAH ki rabobiat deen-e-islam aur Muhammad s.a.w ki Nabowat-o-Risalat par raazi hon to main  (Muhammad  s.a.w )  yeh zamat deta hon ky main  (Muhammad  s.a.w )  khud us ko hath sy pakar kar jannt mein dakhil karonga...!!!"

Aap s.a.w ny farmaya: " Jannat ky aik kinay sy lekar dosry kinary tak ka fasla chalees saal ki musafat ky barabar ha aur yaqeenan aik din aaye ga ky jannat logon ky hujoom sy bhari hogi...!!!"

Deen ka Ilm Hasil karny ki Fazeelat: Rasool ALLAH s.a.w  ne Farmaya: " Jo shakhs Ilm ki justajo mein kisi raah ka musafir howa ALLAH taala usky liye jannat ki raah aasan kar dety hain...!!!"

Sab Sy Kam Darjy Ka Jannti: Rasool ALLAH s.a.w ny farmaya: "Sab sy kam darjy ka jannti woh hoga ky ALLAH taala uska chahra jahanum sy phair kar jannat ki taraf kar dega aur usko aik saaya dar darakht dikhaye ga usey dekh kar woh aadmi kahy ga: Ay mery RAB mujhy is darakht ky qareeb kar dy taaky main is ky saaye taly ho joun...!!!" Isky baad mukamal hadees ha jis mein us shakhs ky jannat mein dakhil hony aur uski aarzoun ka tazkira ha aakhir mein yeh alfaz hain: Jab uski tamam aarzoein khatam ho jein gi to ALLAH taala farmaein gy: "Tujhy yeh sab kuch aur iska das gunah mazeed diya jata hai." Aap s.a.w ny farmaya: Phir woh jab apny ghar jannat mein dakhil ho jaye ga to do moti moti aankhon wali horein bewiyan ban kar usky pas aaien gi aur kahein gi ALLAH ka shukar ha jis ny tujhy hamary liye paida kiya aur hamein tumhary liye paida kiya woh shakhs yeh sab kuch dekh kar kahy ga ALLAH ny kisi ko itna ziyada nahi diya jitna mujh ko diya hai...!!!" ...

Jannat ky Ghoron ka Bayan: Abu Ayyub R.A ka bayan ha ky Rasool ALLAH  S.A.W  ky paas aik dihati aaya aur kahny laga: "Ay ALLAH ky Rasool S.A.W mujhy ghora buhat pasand ha kiya jannat mein ghory hongy ?" Aap  S.A.W  ny farmaya: "Agar tujhy jannat mil gai to tujhy yaqoot ka aik ghora ata kiya jaye ga jis ky do par hongy tu us par sawar hoga phir woh tujhy lekar parwaz kary ga jahan tu chahy ga...!!!"

Rizq Mein Izafa: Imam ahmad imam abu dawood imam nasai imam ibn-e-maja imam hakim hazrat abdullah bin abbas  R.A  sy riwayat hai unhon ny farmaya hai: "Janab Rasool ALLAH S.A.W ny irshad ny farmaya "Jis ny kasrat sy ALLAH Taala sy apny gunaho ki muafi talab ki ALLAH Taala us ko har gham sy nijat deingy har mushkil sy nikal deingy aur usko wahan sy rizq muhayya karein gy jahan sy uska waham-o-guman bhi na hoga...!!!"

Aakhrat Ka Ghar: "Wahan hameshgi ky baghaat hongy jin mein woh khud bhi dakhil hongy aur unky  aaba-o-ajdad bewiyon aur olad mein jo naik kirdar hon gy woh bhi jaga paien gy Farishty har darwazy sy unky  istiqbal ky liye aaien gy aur un sy kahein gy tum par salamti ho tum ny dunya mein jistarha sabr sy kaam liya  uski badolat aaj tum is ky mustahik howy ho pas kiya hi khoob ha yeh akhrat ka ghar...!!!"