Poetry

Kabhi ruk gaye kabhi chal diye kabhi chalty chalty bhatak gaye Yonhi umer sari guzar di yonhi zindagi sitam sahay Kabhi nend mein kabhi hosh mein to jahan mila tujhy dekh kar Na nazar mili na zuban mili yonhi sar jhuka ky guzar gaye Kabhi zulf par kabhi chashm par kabhi tery haseen wajod par Jo pasand they meri kitab mein wo shair sary bikhar gaye Kabhi arsh par kabhi farsh par kabhi unky dar kabhi darbadar Gham-e-aashiqi tera shukria ham kahan kahan sy guzar gaye...!!!

Haqiqat Jaan kar Aisi Hamaqat Kon Karta Hai Bhala Be Faiz Logon Se Muhabbat Kon Karta Hai, Batao Jis Ujrat Mein Khsara He Khsara Ho Bina Sochy Khisary Ki Tijarat Kon Karta Hai, Humain He Galat Fehmi Thi Kisi Ke Wasty Warna Zamany Ke Rawajon Se Bagawat Kon Karta Hai, Khuda Ne Sabar Karny Ki Muje Tofeeq Bakhshi Hai Ary Gi Bhar Ke Tarpao Shikayat Kon Karta Hai, Kisi Ke Dil Ke Zakhmon Par Marham Rakhna Zaroori Hai Magar Es Daor Mein Ye Zehmat Kon Karta Hai...!!!

Ik baar hi jee bhar ke saza kyon nahi dete Main haraf-e-galat hun to mita kyon nahi dete, Moti hun tu daman-e-mowazina me pero lo Aansu hun tu palkon se gira kyon nahi dete, Saya hun tu saath na rakhne ki wajah kya hai Pathar hun tu raste se hata kyon nahi dete...!!!

Safar-e-Wafa Ki Raah Me Manzil Jafa Ki Thi Kaghaz Ka Ghar Bana Ke Bhi Khawahish Hawa Ki Thi, Thi Jugnuon Ke Shehr Me Taron Se Dushmani Mashooq Chaand Tha Aur Tamanna Subha Ki Thi, Tum Ne To Ebadat Ka Tamasha Bana Diya Chahat Namaz Ki Thi Per Aadat Qaza Ki Thi, Maine To Zindagi Ko Tere Naam Likha Tha Shayad Mgar Kuch Aur Hi Marzi KHUDA Ki Thi, Dard He Dena Tha To Pehle Bata Detay Hum Ko Bhi Azal Se He Tamana Saza Ki Thi...!!!

Yeh Iqrar-e-Wafa Ka Lafz Meri Zuban Ka Hai Yeh Uljha Huwa Kaghaz Meri Dastan Ka Hai, Joda Ho Ky Bhi Mohabbat Se Koi Jee Sakyga Kaisy Meri Chahat Me Hosla Ek Chattaan Ka Hai, Usay Daikh Kar Huwa Hon Madhoosh Jab Sy Bhol Betha Hon Konsa Rasta Mery Makan Kaa Hai, Zamanay Ki Tarha Us Ne Bhii Mujhe Ghalat Samjha Main Kiya Karon Yahi Waqat To Mery Imtihaan Ka Hai,

Roye hain bouhat tab zara qarar mila hai Is jahan me kisy Bhala sacha pyar mila hai, Guzar rahi hai zindagi imtehan ke daor sy Eak khatam huwa to dosra teyar mila hai, Mery daaman ko khuoshiyon ka nhi malaal Gham ka khazana jo isko beshumaar mila hai, Woh kam nasib hai jinhain mehboob mil gaya Main khushnasib hon mujhy Intezar mila hai...!!!

Bta Rah-e-Mohabbat me Chalon main kis tarah tanha, Bina terey mere humdum Chala mujh se nahi jata, Meri khushio'n k sab khaakay Tumharay bin adhooray hein, Mere sapnay, meri ratein Mere sab din adhooray hein, Mera sapna jo haqiqat main Jo youn tabdeel ho jaye, Agar tum aa milo mujh se Meri Takmeel Ho Jaye...!!!

Is Sham woh Rukhsat ka Sama Yaad rahe ga Woh Shehar, woh koocha, Wo Makaa'n Yaad rahe ga, Woh Tees Ke ubhri thi idhar Yaad rahe gi Woh dard Ke Utha tha Yaha Yaad rahe ga, Hum Shoq Ke Sholey Ki Lapak Bhool bhi Jayein Wo Shama Fasoorda Ka Dhuwa Yad rahe ga, Haan Bazm-e-Shabana mein Hume Shoq Jo is din Hum to Teri Janib-e-nigraa'n Yaad rahe ga, Kuch meer Ke Abiyat thay, Kuch FAIZ k Misray Ik Dard ka tha Jin mein Biyaa'n Yaad rahe ga, Jaa'n Bakhash si is Barg-e-gull taar ki Tarawat Woh Lamas Aazeez-o-Do Jahaa'n Yaad rahe ga, Hum Bhool sake hain Na Tujhe Bhool sakein gey Tu Yaad rahe ga, Hume Haan Yaad rahe ga...!!!