Raaz-e-ulfat chhupa ke dekh liya
dil bohat kuch jala ke dekh liya,
Aur kya dekhne ko baaki hai
Aap se dil laga ke dekh liya,
Aas uss dar se toot'ti hi nahin
Ja ke dekh liya, na ja ke dekh liya,
Woh mere ho ke bhi mere na huye
Unnko apna bana ke dekh liya,
Aaj unnki nazar mein kuch humne
Sab ki nazrein bacha ke dekh liya,
Takmeel-e-gham bhi ho na saki
Ishq ko aazma ke dekh liya...!!!
Comments
Post a Comment