Saaya-e-Qasr-e-Yaar Me Baitha Main Tha Apnay Khumaar Me Baitha, Uska Aanaa Tha Khwaab Me Aanaa Main Abs-e-Intezaar Me Baitha, Koi Sorat Nahi Hai Us Jaisi Usko Dekhon Hazaar Me Baitha,
Kisi Ki Ankh Pur Nam Hai, Mohabbat Ho Gayi Hogi Zabaan Pe Qissa-e-Ghum Hai, Mohabbat Ho Gayi Hogi, Kabhi Hasna Kabhi Rona, Kabhi Hans Hans Ke Ro Dena Ajab Dil Ka Yeh Alam Hai, Mohabbat Ho Gayi Hogi, Kabhi Aankhon Hi Aankhon Me Woh Baaton Ka Bata Dena Kabhi Takraar Baham Hai, Mohabbat Ho Gayi Hogi,
Yeh Na Samjh Ke Bichrray Hain To Bhool Gaye Hain Tujhe Teri Muhabbat Ki Khushbu Mery Haathon Me Aaj Bhi Hai, Yeh Or Baat Hai Majburiyon Ne Nibhanay Nahi Di Muhabbat Warna Shamil To Sacchaee Meri Wafaon Me Aaj Bhi Hai, Muhabbat Se Barrh Kar Aaqidat Hai Mujhe "Saghar"
Guzrey Huey Taveel Zamaney Ke Baad Bhi Dil Me Raha woh Chorr Ke Jaaney Ke Baad Bhi, Pehlu Me Reh Ke Dil Ne Dia Hai Boht Fareb Rakha Hai Us Ko Yaad Bhulaane Ke Baad Bhi, Qurbat Ke Baad Or Bhi Qurbat Ki Talaash Dil Mutmain Nahin Hai Terey Aane Ke Baad Bhi,
Yehi Surkhi Jo Hay Terey Lab-e-Rukhsaar Pe Janaan Yehi Rang-e-Sukhan Bharr Dey Mery Ashaar Me Janaan, Niraali Shaan Sey Aaoon Ga Sub Hairat Sey Dekhen Gey, Libaas-e-Ishq Pehnoon Ga Tery Darbaar Me Janaan, Mery Dil Ki Yeh Kefiyat Khuley Tum Pey To Kia Kehney Takalluf Hai Humain Jazbaat Ke Izhaar Me Janaan, Yeh Taareeki Ghatey Kesey, Shab-e-Furqat Katey Kesey? Sehar To So Gai Shayd, Terey Rukhsaar Me Janaan,
Zindagi rukh badal gayi hoti Kash tu mujhko mil gayi hoti Zindagi ko galey laga leta Har tamanna pighal gayi hoti Kash tu mujhko mil gayi hoti, Khawab palkon pe main sajaa leta Tujh ko seeney se main laga leta Apne dil me tujhe basaa leta Meri kismat badal gayi hoti Kash tu mujhko mil gayi hoti,
Main Ne Tohmat-e-Takfeer Bhi Uthaai Hui Hai Eik Naiki Merey Hissy Me Bhi Aai Hui Hai, Merey Kaandhon Pe Dharaa Hai Koi Haraa Huaa Ishq Yeh Ghari Hai Jo Muddat Se Uthaai Hui Hai, Toot Jaaunga Agar Mujh Ko Banaaya Bhi Gaya Koi Shaey Aesi Merey Jism Me Samaai Hui Hai, Sard Mehri Ke Ilaaqey Me Hoon Masroof-e-Duaa Zinda Rehnay Ke Liay Aag Jalaai Hui Hai, Qissaa Goo! Teri Chaupaal Se Main Ab Chaltaa Hoon Raat Bhi Bheeg Chuki, Neend Bhi Aayi Hui Hai...!!!
