Poetry

Phir ajnabi fizaon se jorra gaya mujhe Mein phool thi so shaakh se torra gaya mujhe, Khushbu ki tarah jeena bhi asaan to na tha Phool se katra katra Nichorra gaya mujhe, Mitti ke bartanon ki tarah sari zindagi Tora gaya mujhe, kabhi jorra gaya mujhe, Hathon mein somp di mere kaghaz ki aik nao Darya ke tez dharey pe chora gaya mujhe...

Dastak kisi ki hai ke guman, dekhne toh de Darwaza humain tez hawa kholne toh de Souda hai umar bhar ka, koi khail toh nahi Ae chashm-e-yaar, mujh ko zara sochne toh de Apnay lahu ki taal pe khawahishon ke morr ko Ae dasht-e-ehtiyat, kabhi nachne toh de Yeh saat aasman kabhi mukhtasir toh hon Yeh ghoomti zameen kahin thaherne toh de Us harf kun ki ek amanat hai mere paas Lekin yeh kaiynaat mujhe bolne toh de Shayed kisi lakeer mein likha ho mera naam Ae dost, apna hath mujhe dekhne toh de Kaise kisi ki yaad ka chehra banaoon gi woh koi baat mujhe bhoolne toh de....

Ab Wafa Se Mukar Gaya Hai DiL, Ab Mohabbat Se Darr Gaya Hai DiL, Ab Saharon Ki Baat Mat Karna, Ab D!Lason Se Bhar Gaya Hai DiL, Jab Bulate The Zinda DiL The Hum, Ab Na Aao K Mar Gaya Hai DiL, Kyun Bhala Dhoondhte Ho Seene Mein, Jaan Se Bhi Guzar Gaya Hai DiL, Ab Woh Pagal Pan Na Wehshat Hai, Chot Kha Kha Kar Sudhar Gaya Hai DiL ...!!

Kiun Hath Me Tere Mujhe Pathar Nazar Aaya, Deewani Agar Thi To Main Duniya Ke Liye Thi...!!

Kaisi Naazuk-O-Dil Fareb Woh Ghadi Thi Raat Ke, Yaar Ne Seenay Se Laga Rakha Tha Aur Pucha Sotay Q Nhi Ho..

Guraiz shab se,sahar se kalam rakhtay thay Kabhi woh din thay ke zulfon mein sham rakhte thay Tumhare haath lage hain to jo karo so karo Wagarna tum se to ham sau ghulam rakhtey thay Yeh aur baat hamain dosti naa raas aayi Hawa thi sath to khushboo maqam rakhte thay Na jaane kaun si rut mein bichhar gaye wo log Jo apne dil mein bahut ehateram rakhtay thay...!!

Mujhe Hukam Hua Kuch Or Mang Us Ke Siwa, Main Dast-e-Dua Se Uth Gayi Ke Mujhe Justaju Bus Usi Ki Thi...!!