Alone Shayari And Ghazals in Urdu Fonts

Haan!!!!!

Chaand Mujhy Acha Lagta Hai,

Kiyon Keh,

Hum Aik Sy Musafir Hain,

Humara Aik Sa Muqaddar Hai,

Main Zameen Par Tanhaa Hun,

Aor.......

Woh Aasman Par Tanhaa Hai...!!!

Raat Abhi Tanhai Ki Pehli Dehleez Par Hai,

Aor Meri Janib Apna Haath Barhati Hai...

Soch Rahi Hoon,

Haath Ko Thamoon...

Ya Phir.....

Zeena Zeena Teh Khaanon Main Utroon,

Ya Phir.....

Apny Kamry Main Thehroon...??

Chaand Meri Khirki Par Dastak Deta Hai,

Shayad Chaand Bhi Meri Tarah Tanhaa Hai...!!!

Suna Hai,

Is Muhabbat Main,

Bohat Nuqsan Hota Hai...

Jeeta Jagta Jeevan,

Ghamon K Naam Hota Hai...

Suna Hai,

Woh Chain Kho Kr Ab,

Sahar Sy Shaam Rota Hai...

Muhabbat Jo Bhi Karta Hai,

Bohat Badnam Hota Hai...

Suna Hai,

Is Muhabbat Main, 

Kahin Bhi Dil Nahi Lagta...

Bina Us K In Nigahon Ko,

Koi Mosam Nahi Jachta...

Khafa Jis Sy Muhabbat Ho,

Woh Jeevan Bhar Nahi Hansta...

Suna Hai,

Is Muhabbat Main,

Bohat Nuqsan Hota Hai...!!! 

Tumhary Bin Raha Nahi Jaata,

Kiya Kahein, Kuch Kaha Nahi Jaata...

Gham-E-Janaan Main Lazzat-E-Gham Hai,

Gham-E-Duniya Ab Sahaa Nahi Jaata...

Zindagi Younhi Katt Rahi Hai Magr,

Ab Tamaasha Bana Nahi Jaata...

Loat Aao, Main Sadaayen Deti Hun,

Fasl-E-Gull Main Ab Jiyaa Nahi Jaata...!!!