Is Dil Mein Salamat Hai Ab Tak Woh Shokhi-E-Lab Woh Haraf-E-Wafa

Is Dil Mein Salamat Hai Ab Tak
Woh Shokhi-E-Lab Woh Haraf-E-Wafa,

Woh Naqsh-E-Qadam Woh Aks-E-Hina
So Bar Jisay Choma Hum Nay,

Is Dil Mein Salamat Hai Ab Tak
Woh Gard-E-Alam Woh Deeda-E-Num,

Hum Jis Mein Chupa Ker Rakhty Thy
Tasweer Bikharti Yaadon Ki,

Zanjeer Pighalty Waadon Ki
Poonji Nakam Iradon Ki,

Ay Teiz Hawa Naraz Na Ho
Is Dil Mein Salamat Hai Ab Tak,

Kuch Rezy Naram Sawalon Ke
Kuch Dar Anmol Khayalon Ke,

Ek Saccha Roop Haqeeqat Ka,
Ek Jhootha Lafz "Muhabbat" Ka...!!!