Mujhe Be Khudi Ki Hai Arzo Mujhe Qurbato Ka Khumar Day
Mere Ang Ang Mein Yon Utar Kay Mujhi Mein Khud Ko Utar Day
Tu Jo Por Por Mein Bus Gaya Tu Hai Doriyon Ka Jawaz Kaya?
Meri ZIndagi Mere Pass Aa Meri Be Kali Ko Nikhar Day
Meri Zindagi Pay Moheet Hein Wohi Wahshatain Wohi Doriyan
Main Khiza Raseeda Si Shaam Hon Mujhe Apne Rukh Ki Bahar Day
Meri Be Basi Hai Baja Magar Mere Shoq Ka Bhi Hisab Ker
Mein Saya Naseeb Jo Hon Agar Tu Mera Naseeb Sanwar Day
Hai Nazar Nazar Teri Justju Tu Meri Wafa Ki Hai Abro
Kabhi Yon Bhi Ho Mere Rubaro Mujhe Jaan Se He Guzar Day
Mujhe Is Trah Se Tu Yaad Aa Teri Yaad Ko Bhi Guma Na Ho
Tu Mere Khayal Mein Yon Sama Mera Harf Harf Nikhar Day...
Comments
Post a Comment